影片
更多
2017-01-22
4140 瀏覽
自從鐵路開通後，西營盤的食店就遍地開花。繼早前和老公造訪了第二街縉城峰對面嘅一間新拉麵店後，這天兩口子又再次出動，不過今次的目標是同街的另一間街坊小店。事緣早兩天和食友飯聚，閒談間，友人提起曾到訪第二街取名《三台八座》的食肆，據說店裡的食物，水準唔錯，不但製作用心，而且老闆作風親民，令人窩心，實在值得一試。店子原來是位於西營盤第二街 128 號海昇大廈地下，即過咗薄扶林道、近水街一邊。到埗後，見門外的男店員，不斷向路經的途人派發餐廳嘅 Set Lunch Menu，非常落力。走近細看，午市套餐，定價果然相宜，只是由 $48- $68 不等，而且仲要全日免收加一服務費。按門內進，店面呈長方形，地方不大，座位分成左右兩排，左手邊以六人餐檯為主，而右手邊就擺放了多張四人椅桌，走至盡頭，掛上招財貓布幔嘅位置就是餐廳廚房。選了張近門口的二人卡座，這裡自成一角，感覺舒服。拿起餐牌細看，西式午餐共有 9 款選擇，有豬扒、西冷、照燒雞扒、魚柳、燴牛舌、飯及意粉，全部都配是日餐湯；而日韓風味午餐就有 8 款選擇，全部都以拉麵為主。如果想吃叉燒、五花腩或豬軟骨，每款需另加 $10，而加粟米、仿鮑片、昆布碎
店子原來是位於西營盤第二街 128 號海昇大廈地下，即過咗薄扶林道、近水街一邊。到埗後，見門外的男店員，不斷向路經的途人派發餐廳嘅 Set Lunch Menu，非常落力。走近細看，午市套餐，定價果然相宜，只是由 $48- $68 不等，而且仲要全日免收加一服務費。
按門內進，店面呈長方形，地方不大，座位分成左右兩排，左手邊以六人餐檯為主，而右手邊就擺放了多張四人椅桌，走至盡頭，掛上招財貓布幔嘅位置就是餐廳廚房。選了張近門口的二人卡座，這裡自成一角，感覺舒服。
拿起餐牌細看，西式午餐共有 9 款選擇，有豬扒、西冷、照燒雞扒、魚柳、燴牛舌、飯及意粉，全部都配是日餐湯；而日韓風味午餐就有 8 款選擇，全部都以拉麵為主。如果想吃叉燒、五花腩或豬軟骨，每款需另加 $10，而加粟米、仿鮑片、昆布碎，則每款另加 $5，拉麵轉讚岐烏冬就再加 $5。
我選了香煎日式照燒雞扒 ($58)，是日餐湯有羅宋湯同忌廉湯，揀了前者。成品端上後先舀起一看，有紅蘿蔔、椰菜、番茄、西芹等，非常足料，而且番茄味濃郁，入口濃稠惹味。
雞扒可配飯、意粉或薯菜，筆者向來愛吃香口之物，所以特意揀了薯菜；成品非常大碟，雞扒足有兩大塊，而旁邊就伴以大量薯角、翠肉瓜和車厘茄。先切開雞扒一試，外皮煎得很香脆，而且咬下啖啖肉，鮮嫩多汁，再蘸少許照燒汁上面，既香口又惹味。至於烤至外層金黃的薯角，食落亦外脆內粉綿，入口滿載薯香，以翠肉瓜伴吃，更可中和油膩感。
至於老公點的吉列炸蝦拉麵 ($60)，成品上桌後，立即舀起一匙湯水試試，以豬骨熬成嘅湯底，入口雖然沒一般日本拉麵咁乳白濃香，但呷一口就知是無味精的靚湯。炸蝦方面，一共有 4 隻，分量慷慨，挾起一隻品嘗，外層香脆，蝦肉仍保持爽口，雖然略欠鮮甜，不過整體還算不錯。加點了兩塊叉燒 (+$10)、粟米 (+$5) 和仿鮑片 (+$5)，叉燒太瘦，不夠油潤，不過粟米粒幾甜，而仿鮑片亦頗有咬口，以這個價錢來說，經濟抵食。
沒試老公點的凍奶茶 (凍飲+$2)，不過我就童心未泯，點了支草莓波子汽水 (+$6)，雖然只是一瓶二氧化碳的水溶液，但筆者向來愛喝汽水，所以亦覺得蠻不錯。店員稱，過咗午市，餐廳會有串燒供應，還提議我倆下次來吃晚餐時，可以順道一嘗。
張貼
