荷蘭糖水 (已結業)

開宗明義的叫荷蘭糖水, 就是位處荷蘭街, 方便易記, 老板深明生意之道, 但可惜糖水一般, 不過不失而已!是日有一特別事故, 反而值得一提, 話說剛坐低想叫中式糖水之際, 男老板行色匆匆的急趕著出門口, order 也吾得閒落, 心中咕滴, 生意都吾做! 數分鐘后手上拿著數十元喃喃自語, 問老板所為何事, 原來有一帶著七, 八歲小女兒的男士走單, 樣貌仲係溫文儒雅教師款添! 唉!為區區小數而犯險, 真是不值得, 更甚是在小孩子面前做這种事, 真係教壞細路!芝麻糊, 合桃露加芝麻湯丸-中式糖水, 滋潤但平凡介紹一下: 黑芝麻是一種良好的滋養強壯食品，具有補肝腎、烏黑髮、潤腸道合桃露: 可補氣 、補血和補腦 ，以及潤 燥 、 溫肺 和補功能