Burger Joys (第一街)

營業中

休息中

灣仔嗰間店成日都大排長龍，一直等候機會，難得今日和男朋友從香港大學漫遊西區，周圍行大街小巷時竟然在壁畫附近見到呢間Burger Joys，當然要入去食個tea!雞肉漢堡加美國芝士，漢堡預先煎香過，一邊軟熟一邊香脆，本身雞肉很乾，不過大量的芝士和醬汁令整個漢堡不會太乾，啖啖滋味呢！雜菌蘑菇芝士漢堡真是喜出望外，原來雜菌蘑菇是整碎了再加薯泥做成一塊漢堡排，味道有香濃菇味，又有煎香了的薯仔味，超正！加$30 combo有小食和飲品，洋蔥圈新鮮香脆，熱辣辣。經典水牛雞翼有藍芝士醬沾，不過雞翼汁有點太酸，我吃不下，男朋友就超喜歡，真是各有所好。環境很適合朋友或情侶傾傾偈，吃個漢堡beer一beer，不過店的位置有點難找，要行大路打橫的樓梯。