Just Eat (已結業)

就咁睇『steamed rice-vermicelli cake』，你會諗到咩?蒸米飯，蒸米粉，蒸蛋糕?原來佢係越南食物『濱海』，將啲炸蒜，炸蔥粒擺喺一餅餅米粉上，連同啲豬/牛/雞/海鮮等配料用生菜包埋一齊食。點咗『濱海伴燒雞』和『濱海伴燒蝦』，上枱時燒雞，燒蝦好吸引，燒雞外脆内軟，怡到好處好味，而蝦size唔細，新鮮彈牙，『濱海』似乎不太吸引，但食落口感好好，好幼條的米粉，質感細膩又有些少QQ彈，因為太好味，四餅好似唔够食咁。對我來講，用生菜包住食有D『論盡』，我用咗撈檬嘅食法，同樣好正。『香茅串燒牛』亦係意想不到的好味，香茅雞試得多，香茅牛原來一樣好味，肉質keep到juice。满意的一餐唔少得『新鮮椰青』和『薄荷青檸蘇打』。