巴剎雞飯 (已結業)

好多年無嚟西環，變化好大，多咗好多間西式餐廳，經過呢間巴剎雞飯，有難得嘅馬來西亞菜式🇲🇾 一於同朋友入去試下！招牌菜巴剎雞我哋一定嗌嚟試下啦，叫咗半隻，但已經超超超級大碟，有齊雞脾、雞胸同雞翼嘅部位😋 店員好細心咁去哂骨同切成條狀，入口方便、雞肉嫩滑，配埋秘製醬汁味道非常清新！我哋仲叫咗一碟家鄉豬手飯，豬手一啲都唔肥，炆得好好又易咬，配埋家鄉風味醬汁、大大碟飯同雞蛋，真係大滿足😎另外，我哋仲叫咗個山打根皮蛋餃撈麵，真係好特別呀，麵條煮得彈牙有嚼勁，唔會太軟又唔會太硬，啱晒我嘅口感。最特別嘅係皮蛋餃，我第一次食皮蛋餃，餃子內有啖啖皮蛋同豬肉，真係絕配🤤最後，健康之選我哋叫咗碟菜心，另外仲叫咗兩杯羅漢果龍眼冬瓜茶，消暑解渴良品🤓