影片
更多
2023-07-11
22 瀏覽
成日都覺得西環呢邊有一種好chill嘅感覺，見到呢一間意式小店家人六點已經好多人食~店舖主打Pizza意粉類，手工啤酒，主打係港意合璧，好多帶有港式風味嘅意大利菜，非常有創意，一定要飲住手工啤酒食pizza！🍴二人餐 每位$238 包兩杯 330ml啤酒 另收加一 🥗腐乳汁凱搬沙律 (9/10)好有港式風味，入邊有港式叉燒腐乳醬，麵包碎芝士生菜，食落去生菜爽口，腐乳鹹鹹香香好正，叉燒又係意外地夾，芝士香濃，冇諗過創新得嚟咁好食😋🍴威士忌燒烤炸雞翼 (10/10)雞翼有炸香過，酸酸甜甜地，醬汁好開胃，雖然食唔到威士忌味，但個類似BBQ嘅汁令到雞翼更加好食，香濃鹹香嘅芝士醬汁，更加滋味，好好食！🧆招牌肉丸 (8/10)肉丸好大一粒，食落去唔會太死實，都會有肉嘅質感，同埋酸酸地嘅蕃茄醬，整體開胃又唔會太膩。🍕墨西哥辣椒海鮮薄餅 (8/10)千祈唔好睇小辣椒嘅辣度，係冇諗過咁辣😂😂Pizza係手工Pizza，食落去香脆有麵粉香，帶少少煙靭，不過餅皮都係唔會好厚但都有口感，三條辣椒真係幾辣下，食咗一舊已經拿到頂唔住😂(平時食開小辣) 入面有啲蜆肉青口蝦肉，係幾過癮幾滋味，可能真係不過真係食得辣先
🍴二人餐 每位$238 包兩杯 330ml啤酒 另收加一
🥗腐乳汁凱搬沙律 (9/10)
好有港式風味，入邊有港式叉燒腐乳醬，麵包碎芝士生菜，食落去生菜爽口，腐乳鹹鹹香香好正，叉燒又係意外地夾，芝士香濃，冇諗過創新得嚟咁好食😋
🍴威士忌燒烤炸雞翼 (10/10)
雞翼有炸香過，酸酸甜甜地，醬汁好開胃，雖然食唔到威士忌味，但個類似BBQ嘅汁令到雞翼更加好食，香濃鹹香嘅芝士醬汁，更加滋味，好好食！
🧆招牌肉丸 (8/10)
肉丸好大一粒，食落去唔會太死實，都會有肉嘅質感，同埋酸酸地嘅蕃茄醬，整體開胃又唔會太膩。
🍕墨西哥辣椒海鮮薄餅 (8/10)
千祈唔好睇小辣椒嘅辣度，係冇諗過咁辣😂😂Pizza係手工Pizza，食落去香脆有麵粉香，帶少少煙靭，不過餅皮都係唔會好厚但都有口感，三條辣椒真係幾辣下，食咗一舊已經拿到頂唔住😂(平時食開小辣) 入面有啲蜆肉青口蝦肉，係幾過癮幾滋味，可能真係不過真係食得辣先好叫，最後挑晒啲辣椒先食到，食唔到太辣嘅話叫其他味會令到個Pizza更加好食！
🍻手工啤酒 (9/10)
真係冇諗過呢度有香港自家製嘅手工啤酒！非常欣賞佢每一種啤酒下面有個簡短嘅介紹，大家可以根據自己個人口味去揀！
INK|YOUNG MASTER | STOUTI HK | 5.5%
有少少偏苦，幾香，有好輕微嘅堅果味同朱古力可可味，不過都好smooth易入口嘅。
PILSNER|YOUNG MASTER | LAGER | H.K | 4.7%
另一款好清香，好易入口，有啤酒輕微嘅小麥苦味，啱晒淺嘗嘅朋友！
推薦指數: 9/10
真心嘢食係好高質好好食，冇諗過Crossover香港元素都可以咁正，淨係呢一個賣點都值得去支持！小店氣氛好好可以慢慢食吓Pizza飲吓酒，非常欣賞佢哋嘅手工啤酒同埋手作pizza！
張貼
