Gioia Charcoal Grill & Oyster Bar (已結業)

今日因為要和同事見客要到西環走一轉。 見完客後同事邀請我一起共進晚餐，知道我喜歡吃生蠔， 帶我到呢間已經開了一段時間，喺西環幾出名的西餐店試試。餐廳每日都有daily special生蠔，$10隻，我們立即叫了半打 好大隻! 肉質肥美，海水味濃。黑松露野菌忌廉湯- 濃濃既黑松露香味一上枱已撲向我地既鼻裡，啖啖都超濃，必點!慢煮美國黑醋牛仔肋骨- 牛仔肋骨好厚身，但因經過慢煮關係一啲都唔硬，軟淋淋。 不太喜歡慢煮肉的我都被吸引到大啖大啖咁食。意大利黑醋煙腩肉意粉- 意大利粉吃得多，但用上黑醋黎炒就從來未試過。原來混入肥肥既煙肉效果係出奇地夾，微酸的醋仲可以減低煙肉肥膩。心太軟伴雲呢拿雪糕- 極力推薦的甜品 , 推介既程度是食飽主菜都一定要品嚐。 心太軟朱古力是超濃，但配上雲呢拿雪糕，真係超級好食，幾飽都食到。西環自從地鐵開通後真係愈黎愈多優勢西餐，連我九龍人都想多D黎食，加埋近海既環境，好似當日咁食飽係附近走走都係一個好選擇。