阿Phit泰國菜 (已結業)

這間係後巷嚟嘅神秘小店， 如果唔係朋友帶路，我來我真係唔敢入去， 好彩佢係熟客一早留咗枱， 我哋準時到步、準時入座！我哋一行七人點了兩份泰式生蝦，泰式生蝦味道辣辣的，蝦肉爽口新鮮，而且蝦腸嘅亦清理得好乾淨！炭燒牛柳五成熟，真係剛剛好，肉質呈粉紅色 ，未至於流出血水，入口軟綿，好有肉味！炭燒豬頸肉， 豬頸肉外層燒得炭香味，獨有嘅醬汁滲透豬頸肉，十分香口！泰式海鮮冬陰功湯， 湯底唔算特別辣，容易入口， 而且海帶蝦大大隻，好鮮味！