鳴虎 (順昌大廈) (已結業)

印象中西環同堅尼地城好似無乜好好味既拉麵，平時想食都要落其他區，今次搵到呢間 係西環既鳴虎拉麵，鋪頭既位置係堅尼地城站同堅尼地城既中間位，方便大家係海邊打完卡就去食返個拉麵。我地今次叫左佢地個主打鳴虎拉麵同鳴海老拉麵+餃子。肉餃子送到黎感受到佢既熱辣辣，脆卜卜，佢地一碟有5隻，而且size都算大，咬落去仲覺得好juicy添，值得叫。鳴虎 日式魚乾豬骨湯拉麵見到佢地既湯底好似好濃咁，但係一飲落口就覺得拉麵既湯頭味濃但係唔會好「流」，味精感唔會好重，份量都好夠，而且拉麵麵體夠彈牙，就算浸左好耐，個麵都唔會變淋，而且叉燒都煎到好香口+溏心蛋唔錯🤤鳴海老 蝦味噌豬骨湯拉麵充滿左海鮮鮮味，同鳴虎拉麵一樣，唔會單純有味精既味道，而且餐廳櫻花蝦都俾得唔手軟，成件事好豐富，賣相不俗。