影片
更多
2023-01-22
903 瀏覽
港大附近有好多出名嘅餐廳 mark低左幾間今日就去左呢間周記點心 聽講佢有全港獨家嘅爆漿流沙西多 同普通西多士有D分別！仲有得飲茶 有我好鍾意嘅包點！🥞奶黃流沙西多士💰38爆漿西多士其實有好多種口味 例如係芝麻 紫薯 朱古力 不過鍾意食流沙包嘅我梗係揀左奶皇流沙 係邪惡之中更加邪惡😛 上來個陣其實扎眼望同普通西多士冇咩唔同 除左上面冇朱古力醬（都少左D罪惡感🤭）外表炸到金黃色咁 係中間切開就有奶黃流沙流出來 係流沙包嘅餡 不過係第二種甜品度出來都好正🍰懷舊千層糕💰36千層糕上面有小小鹹蛋黃嘅點綴 白黃相間咁真係千層 黃色係鹹蛋黃嘅夾層 白色就係甜滋滋嘅發糕口感 鹹甜交替唔會膩 切開都好大舊 性價比高！🫔春風得意腸💰43呢個腸粉入面料都真係幾豐富 一開始以為係單純嘅炸兩 但係脆皮入面仲有醃過嘅蝦肉 真係蝦仁咁大粒但係又鹹鹹地 腸粉皮嘅存在感反而唔係太高 整體比較酥脆 點完豉油可能會有小小鹹～🍝XO醬炒銀針粉💰45銀針粉同XO醬嘅搭配我真係未見過 但係炒得好惹味 類似避風塘嘅風味 雖然有芹菜同芽菜嘅點綴 但係主角每條銀針粉都沾上XO醬嘅味道 加埋椒鹽脆粒 唔會有一條「漏網之粉」係無味嘅 仲
🥞奶黃流沙西多士
💰38
爆漿西多士其實有好多種口味 例如係芝麻 紫薯 朱古力 不過鍾意食流沙包嘅我梗係揀左奶皇流沙 係邪惡之中更加邪惡😛 上來個陣其實扎眼望同普通西多士冇咩唔同 除左上面冇朱古力醬（都少左D罪惡感🤭）外表炸到金黃色咁 係中間切開就有奶黃流沙流出來 係流沙包嘅餡 不過係第二種甜品度出來都好正
🍰懷舊千層糕
💰36
千層糕上面有小小鹹蛋黃嘅點綴 白黃相間咁真係千層 黃色係鹹蛋黃嘅夾層 白色就係甜滋滋嘅發糕口感 鹹甜交替唔會膩 切開都好大舊 性價比高！
🫔春風得意腸
💰43
呢個腸粉入面料都真係幾豐富 一開始以為係單純嘅炸兩 但係脆皮入面仲有醃過嘅蝦肉 真係蝦仁咁大粒但係又鹹鹹地 腸粉皮嘅存在感反而唔係太高 整體比較酥脆 點完豉油可能會有小小鹹～
🍝XO醬炒銀針粉
💰45
銀針粉同XO醬嘅搭配我真係未見過 但係炒得好惹味 類似避風塘嘅風味 雖然有芹菜同芽菜嘅點綴 但係主角每條銀針粉都沾上XO醬嘅味道 加埋椒鹽脆粒 唔會有一條「漏網之粉」係無味嘅 仲有XO醬炒腸粉可以試下！！
🥠奶黃流沙包
💰32
流沙包應該點都唔會難食 雖然嗌左奶皇西多士 但係包都係必食🤣熱騰騰嘅奶皇包流開就流曬奶皇出來！
我地差唔多一點去到都要等位 不過好彩唔係等左特別耐 而且野食嘅回報唔會浪費左排隊時間 建議經過hku都要試下～
📌 周記點心 (西環)
西環西營盤水街東利大厦地下H1號舖
張貼
