影片
更多
2019-05-02
823 瀏覽
搵食貼士︰永久除名紅假前一日，約咗班姐妹食飯，西環友建議食呢間，話有食品種類多，海鮮質量唔錯，於是聚會前2日透過訂位平台訂座。我地訂咗730，先頭部隊係6點幾已經到，獲分配到吧枱位置。當時餐廳人流唔多，入座率7成都無。突然間我地諗起有今次聚會有孕婦出席，點坐吧枱呀，於是咪同餐廳講轉枱囉。第一次同侍應講，佢話唔得，張張枱都有人訂咗，再同佢講話有孕婦，我地真係坐唔到吧枱，佢指住兩張空枱話客人嚟緊，唔俾轉。跟住一個疑似老闆的人重申上述原因，希望轉枱，佢好寸咁話唔可以，因為我地唔係NORMAL BOOKING，我同朋友0晒咀，咁問佢乜嘢叫NORMAL BOOKING，佢話親自打去餐廳訂座的先叫NORMAL BOOKING，我地轉唔到枱係因為我地用訂位平枱訂座。仲同我地講，你等嗰兩張空枱的客人嚟到，自己去問嗰兩張枱的客人肯唔肯同你地換枱。我地即時火都嚟埋，你咁歧視用訂位平台啲客，咁眼緊個優，咪唔好同嗰啲平台合作囉，唔使咁呀！於是我地即時轉場，老實同條街都有兩三間做相同的生蠔推廣，點解要食呢間？仲有完全唔體諒啲客，真係唔想幫襯。最後埋單都搞咗勁耐，同個女侍應講埋單，佢應咗之後唔理我地，我地再問佢，
紅假前一日，約咗班姐妹食飯，西環友建議食呢間，話有食品種類多，海鮮質量唔錯，於是聚會前2日透過訂位平台訂座。
我地訂咗730，先頭部隊係6點幾已經到，獲分配到吧枱位置。當時餐廳人流唔多，入座率7成都無。突然間我地諗起有今次聚會有孕婦出席，點坐吧枱呀，於是咪同餐廳講轉枱囉。第一次同侍應講，佢話唔得，張張枱都有人訂咗，再同佢講話有孕婦，我地真係坐唔到吧枱，佢指住兩張空枱話客人嚟緊，唔俾轉。跟住一個疑似老闆的人重申上述原因，希望轉枱，佢好寸咁話唔可以，因為我地唔係NORMAL BOOKING，我同朋友0晒咀，咁問佢乜嘢叫NORMAL BOOKING，佢話親自打去餐廳訂座的先叫NORMAL BOOKING，我地轉唔到枱係因為我地用訂位平枱訂座。仲同我地講，你等嗰兩張空枱的客人嚟到，自己去問嗰兩張枱的客人肯唔肯同你地換枱。我地即時火都嚟埋，你咁歧視用訂位平台啲客，咁眼緊個優，咪唔好同嗰啲平台合作囉，唔使咁呀！於是我地即時轉場，老實同條街都有兩三間做相同的生蠔推廣，點解要食呢間？仲有完全唔體諒啲客，真係唔想幫襯。最後埋單都搞咗勁耐，同個女侍應講埋單，佢應咗之後唔理我地，我地再問佢，佢唔相信我地要埋單咁，慢慢行去處理。
同場加影，我地張吧枱的另一邊，有兩個女士都係用同一個訂位平台訂座，侍遇同我地一樣。佢地入座時無講明幾點還枱，但係因為我地要等佢地走咗先可以有位坐齊6個人，結果係接近我地訂位時間，餐廳就唔埋佢地未飲完嘢，即刻掃佢地離開。佢地都鬧爆個侍應，話佢地無講明要限時還枱，又無視佢地仲未飲完嘢，但係最後都要埋單走人。
最後，朋友杯嘢好唔好飲已經唔記得，只係成肚火！
眼利的朋友見到我POST出嚟啲相，就知其實佢地無俾到任何優惠我地。
題外話/補充資料：
歧視用優惠的客人！
(以上食評乃用戶個人意見 , 並不代表OpenRice之觀點。)
張貼
