影片
更多
2015-03-01
3275 瀏覽
難得放假，決定去西苑嘆下茶! 對上一次都已經係上年嘅事，今次新正頭又係同屋企人食，又無乜特別咋喎西苑有三間，太古城、銅鑼灣利園，同埋上環。今次都係去銅鑼灣，貪泊車方便。上年嘅驚喜有「大哥叉燒」、「蝦子扒柚皮」，講真係好好味，不過價錢就貴少少啦! 成嚿水得幾塊叉燒，去屋企樓下買成斤都買到（本人都比較慳家嘅），當然，lahris都明白「一分錢一分貨」的道理嘅! 至於柚皮，上次lahris覺得有點膩，雖然功夫菜整得幾好，但真係好鍾意先會再食。lahris男朋友除咗鍾意飲咖啡，亦都好鍾意食雞腳，特別係煲湯煲到爛哂果啲。當然，鮑汁炆都好正，佢話食過最好嘅係「龍皇」，鮑味相當重，雞腳好稔，但又唔會散哂，做得好靚。今次一入西苑，未坐低就即刻叫雞腳，當然唔平啦，盛惠＄77。你話質素如何?lahris男朋友話，如果無食過「龍皇」，都會覺得西苑好好食，但相對「龍皇」，西苑真係技遜一籌喇！首先講個汁，又唔夠鮑味，反而落咗好多老抽；雞腳就唔夠稔啦，啲筋都未甩出嚟，真係扣哂分。點心其實都做得算精緻嘅，今次叫咗12個點心，先講大家必食蝦餃、燒賣。lahris覺得，好似食出前一丁咁，點解？因為太重麻油味，你知啦，麻
西苑有三間，太古城、銅鑼灣利園，同埋上環。今次都係去銅鑼灣，貪泊車方便。上年嘅驚喜有「大哥叉燒」、「蝦子扒柚皮」，講真係好好味，不過價錢就貴少少啦! 成嚿水得幾塊叉燒，去屋企樓下買成斤都買到（本人都比較慳家嘅），當然，lahris都明白「一分錢一分貨」的道理嘅!
至於柚皮，上次lahris覺得有點膩，雖然功夫菜整得幾好，但真係好鍾意先會再食。
lahris男朋友除咗鍾意飲咖啡，亦都好鍾意食雞腳，特別係煲湯煲到爛哂果啲。當然，鮑汁炆都好正，佢話食過最好嘅係「龍皇」，鮑味相當重，雞腳好稔，但又唔會散哂，做得好靚。今次一入西苑，未坐低就即刻叫雞腳，當然唔平啦，盛惠＄77。
你話質素如何?lahris男朋友話，如果無食過「龍皇」，都會覺得西苑好好食，但相對「龍皇」，西苑真係技遜一籌喇！
首先講個汁，又唔夠鮑味，反而落咗好多老抽；雞腳就唔夠稔啦，啲筋都未甩出嚟，真係扣哂分。
點心其實都做得算精緻嘅，今次叫咗12個點心，先講大家必食蝦餃、燒賣。lahris覺得，好似食出前一丁咁，點解？因為太重麻油味，你知啦，麻油其實好蝦人用，你蓋過哂所有材料味，真係唔係好靠得住囉。另外一個原因，點解加咁重麻油，就係因為食材唔夠新鮮囉，如果蝦係正嘅 ，點使用麻油丫。
另一個餃類就叫咗個素菜粉果，呢個唔錯，入面香菇加甘荀粒，幾好幾好。
至於牛肉球，Menu就特別註明「用100％純牛肉」，咁食落又真係好牛肉嘅，可能lahris未去到食家咁勁啦，未食到同出面茶樓嘅分別。
叉燒包又如何？大家都覺得幾好食，唔知係咪都係用大哥叉燒喇，可能係大哥叉燒嘅頭頭尾尾啦，包幾鬆軟，整體相當唔錯。至於流心奶皇包就唔使講啦，睇相就知開胃，夠哂料，蛋黃漿流哂出嚟!
至於個馬拉糕都幾夠鬆，其他茶樓如果做得唔好，發唔起舊糕好難食，又一個功夫點心，OK!
腸粉類，叫咗牛腸、炸兩。先講牛腸，唔知佢係咪都係用100%純牛肉啦，同牛肉球個味差唔多，腸粉都算滑，但就無乜驚喜。至於炸兩，唔知大家鍾意點樣嘅油炸鬼，要脆口定稔身，lahris仲好young，當然prefer佢脆身，但事與願違囉，稔哂，真係有點失望。
有少少特別嘅係呢個上湯腐皮卷，個湯幾特別，有點西式香料，腐皮卷餡料好夠，建議浸稔個腐皮先食，索多啲湯，更加入味
大家睇睇點心紙，再考慮過唔過嚟食啦~~
張貼
