影片
更多
2009-10-01
23 瀏覽
早幾晚深宵時份, 師傅又突然肚餓, 於是又出左去搵宵夜食, 其實咁樣攪法好唔掂架喎, 下次都係早少少瞓, 就可以食少d嘛! 既然出左去, 就睇下有咩想食啦! 深宵時份選擇真係少左好多, 師傅本想去飲多次夜茶, 但其實又冇嗰種心情, 冇心情係唔想飲中茶; 於是就去搵西茶飲, 隔黎就有間廿四小時嘅食店, 就入去坐坐啦!坐底後師傅又覺得唔係好肚餓, 真係頂癮; 但係都唔理咁多, 照落單先, 費事到時返到屋企又係囉囉攣; 於是師傅就柯打左碗沙爹牛筋腩米線, 再加多杯凍檸茶; 師傅好似次次都係食呢個咁, 冇辦法, 一諗起佢個沙爹湯底, 師傅已經流晒口水啦, 點忍到呢?等左一陣, 凍檸茶先到, 凍檸茶嘅茶味偏淡, 鬼咩, d冰多到好似唔使本咁, 唔淡就奇啦, 不過檸檬好新鮮, 有好香嘅檸檬味, 可以啦; 而沙爹牛筋腩米線買相依舊, 師傅唔理三七二十一, 即刻試下個湯底, 湯底嘅沙爹好香好濃, 好鬼惹味, 冇黎咁耐依然冇走樣; 牛腩就幾大舊下, 但真係炆得好腍, 一咬下去牛腩已經爛, 唔使搏晒命咁用力扯; 而牛筋又入味又腍, 絕唔會實的的, 加上黏黏地嘅口感, 師傅超鍾意; 米線又煮得啱啱好, 入口
坐底後師傅又覺得唔係好肚餓, 真係頂癮; 但係都唔理咁多, 照落單先, 費事到時返到屋企又係囉囉攣; 於是師傅就柯打左碗沙爹牛筋腩米線, 再加多杯凍檸茶; 師傅好似次次都係食呢個咁, 冇辦法, 一諗起佢個沙爹湯底, 師傅已經流晒口水啦, 點忍到呢?
等左一陣, 凍檸茶先到, 凍檸茶嘅茶味偏淡, 鬼咩, d冰多到好似唔使本咁, 唔淡就奇啦, 不過檸檬好新鮮, 有好香嘅檸檬味, 可以啦; 而沙爹牛筋腩米線買相依舊, 師傅唔理三七二十一, 即刻試下個湯底, 湯底嘅沙爹好香好濃, 好鬼惹味, 冇黎咁耐依然冇走樣; 牛腩就幾大舊下, 但真係炆得好腍, 一咬下去牛腩已經爛, 唔使搏晒命咁用力扯; 而牛筋又入味又腍, 絕唔會實的的, 加上黏黏地嘅口感, 師傅超鍾意; 米線又煮得啱啱好, 入口煙煙韌韌, 不錯!
總括黎講呢間食店依然維持到水準, 連師傅唔係咁經常黎都未試過失望而回, 加上環境清潔乾淨, 坐得舒服, 服務態度頗好, 雖然埋單要三十六蚊, 但仍然覺得抵食! 其實飲中茶同西茶價錢差唔多, 所以唔食點心咪食碗麵囉, 一樣咁過癮; 下次有一定會黎, 笑臉走唔甩啦! 嘆完呢個西茶宵夜, 師傅返到屋企真係不知幾好瞓!
張貼
