NN Coffee

營業中

休息中

NN Coffee每次黎西貢都會試下唔同既Cafe，今次試左NN Coffee ，店鋪有兩層，座位舒適亦夠多，店內環境寬敞，行日系風格，裝飾較簡約，給一種舒適既感覺，可以坐低傾下偈，嘆杯咖啡。—明太子龍蝦手工意炒 $168明太子醬汁夠creamy，保留到明太子特有既咸香味，手工意粉都彈牙，有掛汁效果，而龍蝦肉質夠肥美彈牙，仲已經起左肉唔使剝殼，好方便，配菜洋蔥唔會過軟過硬，成功增加左口感。—蒜蓉時令海蜆手工意粉$138蒜蓉配蜆既意粉係常見既配搭，蒜蓉牛油味夠香夠濃，配上鮮味十足既花甲鮮味，香噴噴好食！而且有配搭蕃茄仔，仲有D清新既感覺，絕對唔會覺得好膩。—久丸小山園糰子黑抹茶牛奶$56絕對係比賣相吸引而下單既飲品，味道正常。—Tofu Latte $56豆腐鮮奶咖啡夠特別，豆腐花滑滑又甜甜地，同咖啡又幾夾，飲落有咖啡味之餘帶淡淡豆香。