影片
更多
2020-10-24
287 瀏覽
話說我地兩個好鍾意親親大自然⛰一個禮拜總會抽一兩日嘅時間去行山，而早幾日我地就挑戰左位於西貢萬宜水庫嘅浪茄，就咁係西灣亭行到東霸再落西貢🌴行到肚仔餓，我地就去左西貢好出名嘅Little Cove Espresso嘆番個Tea🥰依間Cáfe我地已經唔係第一次黎㗎啦，而兩次都係叫番同樣嘅野🤣就係依個Middle Eastern Lamb啦！面頭有啲風乾左嘅羽衣甘藍、烤花椰菜同啲乳酪。而下低就有啲薑黃、鷹嘴豆同蔓越莓墊底😋整體黎講羊肉嘅味好突出而且佢嘅口感好煙韌。原本以為會好膩，但係佢用左檸檬汁同乳酪去中和，成個感覺啱啱好！而最滿意嘅就係佢唔係大大舊羊咁上碟，而係拆成一絲絲咁，更加容易入口🤤另外我地都叫左杯Mango Smoothie同Lemonade Soda🥤個Lemonade Soda就真係好滿意，可能因為行完山特別口渴啦，佢嘅味覺衝擊令成個人好爽，又唔會太酸，好容易入口👍🏻相反個Smoothie就真係普通左啲啦！平日下午黎真係唔算多人，如果大家有得揀嘅，記得揀坐出面呀🍃吹住秋風去嘆番個餐，真係好舒服🥰下次黎再同大家介紹其他美食啦❕Btw🤣唔知大家有無興趣睇我地介紹行山路線呢？有嘅話歡
依間Cáfe我地已經唔係第一次黎㗎啦，而兩次都係叫番同樣嘅野🤣就係依個Middle Eastern Lamb啦！面頭有啲風乾左嘅羽衣甘藍、烤花椰菜同啲乳酪。而下低就有啲薑黃、鷹嘴豆同蔓越莓墊底😋整體黎講羊肉嘅味好突出而且佢嘅口感好煙韌。原本以為會好膩，但係佢用左檸檬汁同乳酪去中和，成個感覺啱啱好！而最滿意嘅就係佢唔係大大舊羊咁上碟，而係拆成一絲絲咁，更加容易入口🤤
另外我地都叫左杯Mango Smoothie同Lemonade Soda🥤個Lemonade Soda就真係好滿意，可能因為行完山特別口渴啦，佢嘅味覺衝擊令成個人好爽，又唔會太酸，好容易入口👍🏻相反個Smoothie就真係普通左啲啦！
平日下午黎真係唔算多人，如果大家有得揀嘅，記得揀坐出面呀🍃吹住秋風去嘆番個餐，真係好舒服🥰下次黎再同大家介紹其他美食啦❕Btw🤣唔知大家有無興趣睇我地介紹行山路線呢？有嘅話歡迎Comment話比我地知呀❤️❕
📍西貢海旁廣場兆日樓地下1-2號舖
Middle Eastern Lamb
$120
33 瀏覽
0 讚好
0 留言
張貼
