一起果醬 (已搬遷) 新店位置

得閒又入左西貢走個圈，黎到依間以果jam為主題既cafe,環境簡樸，雖不是華麗既裝修，但有西貢地道既感覺，有一大塊留言板，同埋好多手工果醬賣，朝早十點幾黎到唔洗等位就入座了。《士多啤梨果醬燒豬肋骨》 燒豬肋骨燒到有焦香感覺，豬肋骨肉質唔乾好軟好淋口，用手撕都可以分開成一舊舊，仲好juicy,面頭既士多啤梨醬酸酸甜甜食到好開胃，佢另外再有一個燒汁跟比重口味人士，伴碟既薯角勁脆熱辣辣好味，推介。《全天英式早餐》至於All Day breakfast其實就比較普通，係勝在塊多士可以自選果醬，我當日揀左玫瑰蘋果，蘋果既酸甜加上淡淡玫瑰香，再加埋舊牛油食，又幾鬼match!