Italiano's Restaurant & Bar (已結業)

今日去左西貢，夜晚唔知食咩好，就梗係上openrice睇下有咩食啦，見呢間評分不錯就決定一試。去到門口企左起碼十分鐘都冇人理，等到唔耐煩想走又唔甘心，於是決定俾多五分鍾機會佢。。。終於坐低叫了一個$380既二人餐。有一個沙律，一個意粉,一個pizza，兩杯飲品加一個甜品。墨魚汁海鮮闊條麵配龍蝦汁熱辣辣好好味，雖然啲闊條麵碎左少少，但係質感唔錯，唔會腍bap bap，龍蝦汁好好味。香草雞扒pizza啲雞好乾同埋唔夠熱，啲薄餅邊脆到好似餅乾咁,麻麻地。chocolate brownie正！熱辣既香濃朱古力brownie上面有雲呢拿雪糕同一小舊cream, 一啖將熔熔地既雪糕同暖粒粒既brownie放入口簡直就係至高既冰火享受！總結來說，除了一開始等左好耐冇人埋，食物水準都好味的。