The Hut (已結業)

之前上網成日見到介紹不同西貢美食既網頁，今日一於同朋友去行下街食下野。呢間近碼頭新開張既梳乎厘班戟店，採用開放式設計，可以望到店員製作沙冰和咖啡既過程。小店主打既梳乎厘班戟，有8款口味，全部即叫即整，確保空氣感十足，淨係等既時間，已經聞到濃郁蛋香；另外仲有不同款式既沙冰、咖啡、果汁，以供選擇。Tiramisu班戟好香咖啡同蘭姆酒香味，厚厚的班戟面層灑滿可可粉，令口感細膩飽滿，必食之選。Oreo & cream班戟賣相吸引，Oreo餅同餅碎鋪滿在飽滿的班戟上，原來底部都有好多，令我充分感受到Oreo既脆脆口感，味道一流。Pineapple Coconut沙冰，入口即溶，甜度恰到好處，估唔到味道出奇地夾，好清新既口味。益力多沙冰，充滿乳酸香氣，我見到員工落左2枝益力多，超級足料。我哋享受左一個豐富悠閒既下午茶，真係非常滿足。