泰國小吃 (已結業)

位於西貢近小巴站旁邊行仔入面, 入面都有幾間泰國菜, 見呢到人多d所以就入左去食。等餐時見到好多老顧客黎幫襯, 閒聊家常非常熟絡😌所以呢到既裝修都有一段歷史感。🍤泰式雞絲鹹豬肉飯 $69呢個飯好多街坊都叫, 所以都叫黎試下味。雞絲應該係雞胸位置, 切到一條條, 點醬汁食都唔錯。而鹹豬肉冇肥肉😐但炸得太硬雖然幾香口。而飯係雞油飯黎, 食落冇咁淡味, 畢竟成碟都係肉冇一條菜。可能係咁所以跟左一碗雞湯, 湯中既冬瓜好味。🍤炒金邊粉 $73第一次食金邊粉既顏色係咁橙色😳炒得火喉係夠, 但比較酸, 如果落埋青檸汁應該會太酸, 同埋價錢有D太貴🤑