Little Cove Espresso

營業中

休息中

喺西貢海旁行行吓，經過海鮮酒樓，再直行咁岩見到一條街有好多餐廳，cafe。揀咗一間門面同入面既環境都係用木板，木枱做，個style都係好舒服嘅，就揀係呢間啦。食物叫咗一個牛油果點解沙律煎雞沙律，佢用啲好特別嘅香料腌咗個雞先煎，好香好好食。仲有好多牛油果啊菜啊青瓜蕃茄等等睇得出食材好用心。仲有雞上面竟然有開心果，杏仁碎，真心好出色（亦都唔係便宜的說）另外去cafe，當然唔少得食甜品飲咖啡。叫咗個cheese cake配 cappuccino，不過不失個芝士蛋糕芝士味濃郁又唔會太硬太甜。服務係自助叫餐形式，雖然個咖啡等左一陣先來，但整體感覺唔錯，侍應都好有禮貌同有笑容。環保♻️好想特別係highlight，見到佢餐廳冇用膠嘅即棄餐具，飲管唔係膠而係用紙，好surprise。但係如果可以做多一步，外賣咖啡唔俾膠蓋最好了。