Salamat Cafe (已結業)

呢間西餐廳好耐之前嚟過食生日飯，我覺得呢度嘅西餐水平都不錯。今日同朋友試咗呢度嘅午餐，原來都有一定嘅水準。午餐嘅餐牌有好多唔同嘅選擇，有12款咁多，我同朋友都好肚餓，所以試咗呢度嘅重點推介。首先即係11號餐嘅香燒美國肯瓊香料豬肉眼扒配燒菠蘿同雜菜沙律，而另外個朋友好想食燒三文魚所以，就叫咗另一個意大利飯。淨係睇過賣相我都覺得呢個豬肉眼扒好吸引，超級厚身嘅豬扒！佢雖然燒咗好耐，但係肉質唔會太硬，而且食落去每一啖都好有豬肉味道，再加上嗰塊燒菠蘿，真係好吸引。最後我哋每人叫咗杯水果芝士特飲，呢度嘅特飲都唔算太貴，而且佢嘅賣相非常吸引眼球，兩杯都係少女嘅大愛！一杯藍莓芝芝，而另一杯就係草莓芝芝。同朋友可以在此渡過一個歡樂且暢所欲言的下午。