影片
更多
2025-01-22
0 瀏覽
《sips;;lban - 尖沙咀》雖然過咗咁耐，但係梳乎厘pancake都仲係咁具人氣🤓喺海港城入面有得食梳乎厘pancake嘅餐廳我都試過晒，但原來呢一間韓式Cafe都有得食喎😎行過見到Menu，發現除咗有一般西餐之外，仲有刨冰、韓式甜品、梳乎厘pancake等嘅輕食甜點😛唔想食咁Heavy嘅日子有的確可以試吓喎🤭我哋兩個人本來諗住食少少嘢，點知都叫咗兩個主食、一個甜品同埋飲品🥤巨飽💁🏻♀️漢堡扒全日早餐 $132聽講呢度好出名全日早餐，任何時段都食得到，入面有齊沙律、醬汁牛肋肉、牛油果、煙三文魚、多士、仲有大大片漢堡扒添🤓食完飽足全日，佢個吐司充滿牛油香，幾好食，另外仲會有糖漿另上俾你自己配搭，我就鍾意將糖漿淋落鹹鹹地嘅肉類上面，又鹹又甜嘅口感幾好💁🏻♀️手撕牛肉意大利飯 $95我呢一個牛肉意大利飯個醬汁係蕃茄忌廉汁，酸酸甜甜幾好味，同埋都幾開胃添🤓意大利飯嘅口感呈現半生熟嘅狀態，超級掛汁，牛肉燉到好腍，一咬就已經可以撕開，成個飯味道濃郁，可以encore💁🏻♀️Lotus海鹽焦糖梳乎厘 $115黎得呢度又點可以唔食梳乎厘pancake呢？今次揀咗一個出面比較少見嘅海鹽焦糖pan
雖然過咗咁耐，但係梳乎厘pancake都仲係咁具人氣🤓喺海港城入面有得食梳乎厘pancake嘅餐廳我都試過晒，但原來呢一間韓式Cafe都有得食喎😎行過見到Menu，發現除咗有一般西餐之外，仲有刨冰、韓式甜品、梳乎厘pancake等嘅輕食甜點😛唔想食咁Heavy嘅日子有的確可以試吓喎🤭我哋兩個人本來諗住食少少嘢，點知都叫咗兩個主食、一個甜品同埋飲品🥤巨飽
💁🏻♀️漢堡扒全日早餐 $132
聽講呢度好出名全日早餐，任何時段都食得到，入面有齊沙律、醬汁牛肋肉、牛油果、煙三文魚、多士、仲有大大片漢堡扒添🤓食完飽足全日，佢個吐司充滿牛油香，幾好食，另外仲會有糖漿另上俾你自己配搭，我就鍾意將糖漿淋落鹹鹹地嘅肉類上面，又鹹又甜嘅口感幾好💁🏻♀️手撕牛肉意大利飯 $95
我呢一個牛肉意大利飯個醬汁係蕃茄忌廉汁，酸酸甜甜幾好味，同埋都幾開胃添🤓意大利飯嘅口感呈現半生熟嘅狀態，超級掛汁，牛肉燉到好腍，一咬就已經可以撕開，成個飯味道濃郁，可以encore💁🏻♀️Lotus海鹽焦糖梳乎厘 $115
黎得呢度又點可以唔食梳乎厘pancake呢？今次揀咗一個出面比較少見嘅海鹽焦糖pancake，用咗我好鍾意嘅Lotus餅乾製作，連個忌廉都充滿焦糖香氣，一客有三件，全部都肥嘟嘟好飽滿，咬落有空氣咁同埋蛋香👍🏻成個pancake冇想像中咁甜，同埋冇咁膩添🥰我一個人食咗兩片，配埋忌廉同埋焦糖餅乾碎食就最適合不過💁🏻♀️天然蜂巢棒棒冷咖啡 $58
聽講韓國好鍾意將蜂巢加喺嘢食或者咖啡入面，今次終於一試，其實咖啡加上奶同埋蜂蜜本身味道就好夾，不過我個人覺得個蜂巢唔食得，可以放入口咀嚼然後吐返出嚟，蜂蜜嘅味道清甜，啱晒唔鍾意飲太苦咖啡嘅人💁🏻♀️凍朱古力 $42
呢杯朱古力一睇就知唔普通，上面放住濃厚嘅忌廉，朱古力味濃郁，不過味道偏重奶香，啱晒女仔飲，我個人都係覺得佢哋嘅咖啡比較特別啲😙不過見佢賣相咁靚，打卡一流
張貼
