WOFT (已結業)

前幾日朋友生日, 食完飯見時間尚早就去附近飲杯野. 其中一位朋友介紹我地去WOFT, 話呢間Bar裝修得幾好又有手工啤酒飲, 一行4人就去飲下野坐下喇!去到個時好多人, 好彩等一陣就安排到位置. 裝修幾型格, 樓底夠高坐落都好舒服唔會焗. 食客不乏鬼佬, 唔知以為自己去咗中環! 起初以為係D美式Bar, 即係得炸野食可以揀, 點知原來好多選揀, 有Starter, Pasta, Main , 甜品等等,D相都好吸引! 早知生日飯係呢度搞埋啦! 最得意係我地發現呢度好多港式Fusion 菜, 我見到有梅菜和牛漢煲, 避風塘薯條, 白汁蜆肉狗仔粉等等. 無奈我地全部都已經好飽, 所以我地決定.....叫個雞蛋仔!西餐廳酒吧估你唔到有雞蛋仔,仲要係搞鬼雞蛋仔! 饀料除咗朱古力, 芝士呢D Standard 野外, 仲有得揀五香肉丁, Parma Ham, 黑松露, 夠晒出位! 我地就叫咗個Parma Ham雞蛋仔送啤酒, 估唔到又幾得意, 食落去有蛋香味又有Parma Ham香味, 一人meet 一兩粒送下啤酒都幾過癮!呢間餐廳手工啤酒有好多選擇, 我見都有幾十款之多, 而且有晒中文Tast