Outback Steakhouse (屯門市廣場1期) (已結業)

今日去屯市搵朋友，想食得豐盛啲，就去咗outback， 本身諗住食扒，但肥到佢有個二人餐，用HSBC 卡仲有優惠，就叫左個餐啦。佢個餐有好多嘢食，兩個人會食到捧住個肚走。首先佢會有個黑糖麵包，加埋啲cream cheese，個包熱辣辣，好好味。個洋蔥湯就正正常常，冇乜咁特別。我哋叫咗凱撒沙律，都係冇咩特別。牛扒配大蝦，個牛扒本身叫咗五成熟，但係嚟到嘅時候好似七成熟咁樣，入口唔算行人，但係亦都唔係特別嫩口。個白汁芝士大蝦闊條麵，係個餐入面最出色嘅一樣菜式。個面好夠味，啲蝦又爽口。大家都可以試吓。順帶一提，我都有叫到佢哋杯沙冰cider,真係好鬼大杯，其實可以兩個人share。同埋佢都幾好飲。我個朋友加左個焗薯，睇落都唔錯。本身諗住叫多兩個甜品，但係太飽喇，下次再試啦。