影片
更多
2021-06-26
554 瀏覽
餐廳：Plan B Cafe (尖沙咀)地址：尖沙咀山林道3號協榮商業大廈地舖尖沙咀山林道呢間開咗3個幾月嘅Plan B Cafe由茶餐廳變身成香港人Cafe💛，充滿本土特色之餘仲好有文青氣息👍，唔少飲品同主食都加入咗茶餐廳元素，例如麻婆豆腐意大利飯、蜜汁叉燒漢堡等🇭🇰餐牌亦都加入咗唔少香港人好有共鳴嘅字句：「If we burn you burn with us」、「Be water my friend」、「Always on the side of the egg」，「Fight for freedom」等，真喺好有心思呢🎗魚香茄子意大利飯 $138既然有咁特別嘅fusion菜又點可以唔試呢😍？融合咗茶餐廳魚香茄子同埋西餐廳嘅意大利飯，估唔到食起上嚟又幾夾，茄子同豬肉切成碎粒，加入去意大利飯當中，味道香辣惹味🌶，新鮮感十足🤩蒜蓉牛油焗單骨雞翼 $58淨係望住啲雞翼都覺得吸引🤤，輕輕煎過啲雞翼，加上蒜蓉牛油去焗，面頭再灑上香炸蒜🧄，食起上嚟惹味而唔會感覺好熱氣🔥，不過有一兩舊唔喺單骨而喺全翼😂蝶豆花牛奶 $46望住呢杯飲品第一時間就諗起藍天白雲☁️，底層嘅鮮奶，配以上面藍藍一層嘅蝶豆花
地址：尖沙咀山林道3號協榮商業大廈地舖
尖沙咀山林道呢間開咗3個幾月嘅Plan B Cafe由茶餐廳變身成香港人Cafe💛，
充滿本土特色之餘仲好有文青氣息👍，唔少飲品同主食都加入咗茶餐廳元素，例如麻婆豆腐意大利飯、蜜汁叉燒漢堡等🇭🇰
餐牌亦都加入咗唔少香港人好有共鳴嘅字句：「If we burn you burn with us」、「Be water my friend」、「Always on the side of the egg」，「Fight for freedom」等，真喺好有心思呢🎗
魚香茄子意大利飯 $138
既然有咁特別嘅fusion菜又點可以唔試呢😍？融合咗茶餐廳魚香茄子同埋西餐廳嘅意大利飯，
估唔到食起上嚟又幾夾，茄子同豬肉切成碎粒，加入去意大利飯當中，味道香辣惹味🌶，新鮮感十足🤩
蒜蓉牛油焗單骨雞翼 $58
淨係望住啲雞翼都覺得吸引🤤，
輕輕煎過啲雞翼，加上蒜蓉牛油去焗，面頭再灑上香炸蒜🧄，食起上嚟惹味而唔會感覺好熱氣🔥，不過有一兩舊唔喺單骨而喺全翼😂
蝶豆花牛奶 $46
望住呢杯飲品第一時間就諗起藍天白雲☁️，底層嘅鮮奶，配以上面藍藍一層嘅蝶豆花甜奶，頂頂仲有一層cream同士多啤梨裝飾🍓，飲落清甜，打卡就啱晒📸
維也納咖啡 $46
苦甜與共，交織住甜蜜同甘苦嘅滋味。品嚐維也納咖啡嘅技巧在於先唔攪拌咖啡，直接飲落去就可以享受到唔同階段嘅口味，面頭柔和嘅cream入口後，緊接住微苦甘甜嘅Latte咖啡☕️，實在喺愛啡之人一大享受😌
張貼
