HeSheEat (銅鑼灣地帶)

營業中

休息中

行完感謝日有d餓，去左隔離商場食返個他她食晚餐。可能時間仲早冇咩人排隊好快就可以入座。其實之前都有去過旺角既分店，不過果邊就只係食甜品。銅鑼灣呢間就有埋小食同主菜食。薯條係麥記食得多，但見到隔離台個碟好香咁就試下la~~條條薯條都炸到金黃色，外脆內香，食落仲有好濃cheese味，配埋附上既茄汁及忌廉，更加好食。事因本人好鐘意食帶子，所以就叫左呢個帶子沙律。帶子大大隻，爽口彈牙，絕對係新鮮。沙律配有酸汁，特別開胃。表面有一層辛辣粉，小小辣，可以令人食指大動。雞翼大大隻，唔係用左好多炸粉，淡淡肉，咬開仲有肉汁流出來tim~~大大塊大王啡菇配芝麻菜。粒粒飯都沾有牛肝菌，好有口感。飯既感覺岩岩好唔會太軟太硬，整個飯既味道同口感控制得好好。冰冰凍既飲品配有香濃牛油果味，加上乳酪小小酸既味道，好易入口。