Cossi (已結業)

位於荃灣廣場外地下嘅鋪頭，佢仲有個閣樓仔，不過就需要行十幾級樓梯。佢嘅位置旺中帶靜，喺荃灣廣場嘅戲院方向行出去一陣就到，喺條街嘅轉角位。街上面亦有唔少其他嘅選擇，不過西餐意大利飯就得佢。由荃灣地鐵站行過去都有一段距離，不過好彩全程可以行天橋，都算幾方便。佢地有好多唔同嘅意大利菜式，我就叫咗個帶子意大利飯，帶子幾香滑，好有帶子味，意大利飯就比較香軟，唔似其他店嘅意大利飯偏硬。價錢就約120，抵唔抵就見仁見智喇！