影片
更多
2022-08-19
678 瀏覽
山見台式火鍋✖️地方又大又靚，空間感十足，裝修一啲都唔似火鍋店。揀咗最低消費$228/位，二人埋單共$502。另外送咗一個特別優惠，只要喺店內投寄明信片俾自己。憑着郵籤作消費，惠顧$500即可以回扣$80用。室內環境寬闊，坐得好舒服。樓面才有基本嘅火鍋食材之外，仲有台灣嘅王子麵、刀削麵、波菜麵。熟食有炸番薯條、地瓜球、蚵仔麵線、肉燥飯、滷水豆腐雞蛋、滷水豬耳牛肚豬大腸牛腩牛筋。除咗滷水豆腐其他都煮得幾入味。另外，仲一啲好有水準嘅前菜、泡菜木耳青瓜腐皮等等。不得不讚呢間嘅肉燥飯真係有少少肥肉碎，個汁同啲肉都好食過牛大人。如果以上食物都唔食，用手機掃QR code就可以食台式炸雞扒、鹽酥雞、台式小香腸、蔥油餅、宜蘭蔥肉餡餅、手工糯米腸、惡魔豬扒。最犀利呢度竟然有炸七里香（即係雞屁股）。雖然唔係個個人啱食，但係我都係第一次喺火鍋店見到有得點食。由於我係揀最低消費嗰隻，所以可揀選嘅熟食都比較少，但係我相信一般人都夠晒食。甜品就有芋圓仙草、愛玉芋圓、紫薯芋圓湯及牛奶磚。冇雪糕，但係有雪條。雪條分別有榴槤、西瓜及細
另外送咗一個特別優惠，只要喺店內投寄明信片俾自己。憑着郵籤作消費，惠顧$500即可以回扣$80用。
室內環境寬闊，坐得好舒服。
樓面才有基本嘅火鍋食材之外，仲有台灣嘅王子麵、刀削麵、波菜麵。
熟食有炸番薯條、地瓜球、蚵仔麵線、肉燥飯、滷水豆腐雞蛋、滷水豬耳牛肚豬大腸牛腩牛筋。除咗滷水豆腐其他都煮得幾入味。
另外，仲一啲好有水準嘅前菜、泡菜木耳青瓜腐皮等等。不得不讚呢間嘅肉燥飯真係有少少肥肉碎，個汁同啲肉都好食過牛大人。
如果以上食物都唔食，用手機掃QR code就可以食台式炸雞扒、鹽酥雞、台式小香腸、蔥油餅、宜蘭蔥肉餡餅、手工糯米腸、惡魔豬扒。最犀利呢度竟然有炸七里香（即係雞屁股）。雖然唔係個個人啱食，但係我都係第一次喺火鍋店見到有得點食。由於我係揀最低消費嗰隻，所以可揀選嘅熟食都比較少，但係我相信一般人都夠晒食。
甜品就有芋圓仙草、愛玉芋圓、紫薯芋圓湯及牛奶磚。冇雪糕，但係有雪條。雪條分別有榴槤、西瓜及細細個食過嘅熊貓雪條。。。
唔記得咗講，呢度嘅雞蛋係免費任添㗎。真係好少見，如果我細妹喺度起碼攞去10隻8隻喺度打蛋食牛肉。
雖然係最平嘅餐，但肉肉都好靚！
火鍋湯底只有三款係免費，蕃茄、豚骨及酸菜白肉鍋。其他好似臭臭鍋及美人鍋都係要加錢嘅。酸菜白肉鍋，好入味勁多酸菜。
最平嘅肉質都唔差，一定好過牛氣•牛陣•牛摩。
最可惜呢度係只可以食90分鐘，比較趕頭趕命。我今次好叻喺90分鐘裏面飲咗三罐冬瓜茶，呢隻得牌子都係來自台灣，幾好飲！
張貼
