意粉屋 (已結業)

朋友都知道我西餐之中最最最中意去幫襯，就係意粉屋，自從旺角中心同信和旁邊嘅意粉屋都執咗之后，已經好少落意粉屋，對我黎講，依家意粉屋地點唔就腳，唔就我自己。點咗兩個set，羽衣甘藍帶子湯，酥皮波士頓龍蝦湯，原條豬仔骨配脆薯條，帶子芝士紐紋粉，牛腹肉意大利飯同珍寶雜錦薄餅。最后點我又愛又恨嘅凍 cappuccino。龍蝦湯好好好熱，相信原因係焗酥皮，酥皮夠脆，波蝦湯同帶子湯都好濃郁，羽衣甘藍味飲唔出。原條豬仔骨望上去大大份夠台型，但其實食落豬肉份量唔係想像中咁多，夠肉味夠肉汁唔會乾身，不過切豬仔骨果時要小心。雜錦薄餅略嫌餅底厚咗d, 如果薄番少少更理想，牛腹意大利飯同帶子紐紐意粉份量唔太多，正係到諗份量會唔會太少之際，當所有食品上哂枱，發覺成個 set 份量好足夠，食到脹肚，好彩個飯同意粉份量唔太大，啱啱好。意粉屋嘅凍 Cappuccino 好夾自己口味，但每次飲完都肚唔舒服，其實係自己問題，唔受得奶，又愛又恨！ ~~>_<~~