Friendmily (已結業)

睇戲前，醫個肚，實在接受唔到APM的大排長龍。上網睇到呢間上樓小店，招牌殺食，一試。侍應講O左今晚幾FULL，但我接受八半前交枱，有得坐有得食。（簡評）環境：喜出望外，柔和燈光，能誤打誤撞搵到泥呢度，驚喜！好有果種旅行周圍搵到好地方的感覺。食物：點個刺身拼盤，夏日炎炎襯支Chablis，乾身𣈱懷，兩公婆剛剛好。牛扒唔錯，五成熟成數剛好，牛魔王滿意收貨。我點的Risotto, 事先已問明不習慣傳統意式的硬身煮法，但又心思思想食下大廚的炒飯仔。上枱，大蝦配意大利飯，一試難忘。濃烈松露油香，芝士忌廉滲透飯粒，唔硬但又唔會林PatPat，幸福微笑開動。（連唔鍾意芝士O既牛魔王先生都大拇指，cool!   食到一半先醒起影相，醉了）西泰式甜品 芒果糯米飯作結，又係啱心水。－飲飽食醉，夠鐘睇戲。兩公婆面上掛住滿意笑容，真係好食。下次，會留多點時間，訂個二人雅座，談談情飲飲酒，重溫拍拖時光。