影片
更多
2022-08-15
96 瀏覽
觀塘出名多嘢食，Cafe都越開越多，全部都好吸引呀！呢間Cafe就主打主食正餐，偏西餐嘅食物，小店食物質素高質吸引，唔係普通cafe嘅嘢食，小食、主食、甜品都有好多選擇！Cafe裝修行木系簡約風格，空間感十足，仲有露天座位！店員態度勁好，會好細心推薦佢哋嘅菜式！------------------------------◖焦糖雞翼◗ $58淋咗滿滿嘅焦糖醬，雞翼外皮好脆，肉質嫩滑，食落甜甜地咁，好似食緊甜品咁！◖炸魷魚明太子黑麥包◗ $108麥包外皮微脆鬆軟，炸魷魚熱但唔係好脆，淋咗啲明太子醬喺面，鹹鹹地咁！個包食落好香，有一陣BBQ味，同伴碟嘅沙律菜一齊食幾flesh！◖蟹皇蟹肉意大利麵◗ $138有啲蟹肉蓉夾雜住，但份量唔係話好多，食落鹹香味十足！意粉好掛汁，仲有粒粒明太子意粉，有口感！◖Croffle◗ $68Croffle好濃牛油味，檸檬蛋白霜喺面，酸酸地嘅檸檬醬，配埋甜甜地嘅蛋白霜，perfect match！可以叫後上，要預返10-15分鐘左右！◖朱古力奶泡◗ $48奶泡好厚好綿密，叫咗少甜，但飲落去基本係唔甜，但可可味超濃郁！上面有粒燒過嘅棉花糖，可以點落杯熱朱
------------------------------
◖焦糖雞翼◗ $58淋咗滿滿嘅焦糖醬，雞翼外皮好脆，肉質嫩滑，食落甜甜地咁，好似食緊甜品咁！
◖炸魷魚明太子黑麥包◗ $108
麥包外皮微脆鬆軟，炸魷魚熱但唔係好脆，淋咗啲明太子醬喺面，鹹鹹地咁！個包食落好香，有一陣BBQ味，同伴碟嘅沙律菜一齊食幾flesh！
◖蟹皇蟹肉意大利麵◗ $138
有啲蟹肉蓉夾雜住，但份量唔係話好多，食落鹹香味十足！意粉好掛汁，仲有粒粒明太子意粉，有口感！
◖Croffle◗ $68
Croffle好濃牛油味，檸檬蛋白霜喺面，酸酸地嘅檸檬醬，配埋甜甜地嘅蛋白霜，perfect match！可以叫後上，要預返10-15分鐘左右！
◖朱古力奶泡◗ $48
奶泡好厚好綿密，叫咗少甜，但飲落去基本係唔甜，但可可味超濃郁！上面有粒燒過嘅棉花糖，可以點落杯熱朱古力到，會慢慢溶咗，飲落就會甜啲！
◖菠蘿乳酪沙冰◗ $58
好清新嘅菠蘿味，清甜解渴，咬到粒粒冰碎，好消暑！
Encore指數：8/10
張貼
