餃掂手工餃子雲吞專門店

今晚同同事放工去搵嘢食，同事揀咗呢間位於西環嘅「餃掂」嚟同我一齊開餐 😋餐廳舖面乾淨企理，枱面有自家製酸菜任食：餐牌選擇好多，而且價錢非常親民，因為想食多幾款餃，我同同事都冇叫湯麵，主力叫咗以下幾款餃：1）黑白松露龍鳳松茸餃：黑白松露食落都好香，灼餃仲有得配埋碗無味精嘅狀元九鼎湯，睇餐牌話有提升免疫力，溫腎益氣，滋潤腸道，養顏保健嘅功效！即刻飲多兩啖 😋2）壽喜燒牛肉餃：個皮真係好薄，牛肉juicy：3）元貝拼芫茜湯餃：同事係芫茜控，鍾意呢個芫茜餃嘅芫荽味夠出：4）上湯松茸時蔬：嘢飲我哋就叫咗豆漿，好大杯：