泰潮 (新隆圍) (裝修中)

由於開車，好鐘意搵D山旯旮地方，可以泊車又唔會太多人的餐廳，黎呢度，都係呢個原因。餐廳在路旁，唔會難搵，有人指示在對面空地泊車，好方便。呢度有D吹汔設施和遊戲機比小朋友玩。食野嘅地方唔算大，是搭出來，廚房在另一處。餐牌頗多選擇，好多野都是炭燒，包括燒鵝和乳豬都有。但係，又無乜嘢可以食，why?要份燒鱔- 要訂先有要份炒蟶子仔 - 要訂先有要份叉燒 - 要訂先有燒雞可唔可以半隻，我得兩個人 - 唔可以，要叫一隻咁燒茄子有啦卦？ — 無我已經不能形容有幾嬲，叉燒和茄子呢D咁普通嘅嘢都無，而家只是7點！最後食左：炒蜆幾好味，通常配菜多過主菜，但師傅把蜆只用有肉那邊，無肉果邊飛左，幾貼心。炸咸肉新鮮肉炸，份量大，好脆，腩肉一層肥一層瘦，不錯炒椰菜苗正常炒菜一碟乾炒雞肉金邊粉太多胡椒份粉味，炒得乾身唔太油串燒牛柳牛柳幾林，入口幾油，感覺係用D較多油花的來做，但90蚊得3小串算贵。由於想食嘅好多都無，用餐感受不太好。咁多野要預訂，證明唔多人來食，無乜存貨，你亦可以話咁樣食物新鮮D，但有幾多人會一早諗定食咩先？我都係中意即睇即點，如果大家想來食，最好預早一日order 啦。