功夫點心 (已結業)

今日又去黃埔jumping gym放電，一出地鐵站就見到呢間功夫點心。點心紙嘅封面好有心思，好似一本秘笈咁😂佢星期一至五有早茶及下午茶優惠，有八折。呢度嘅蝦餃王同燒賣王係可以逐粒計嘅，每粒係$9，好似我哋人少少咁，就可以按人頭點，食多啲款式，非常好。全部啲點心有晒價錢一目了然，唔洗對住個價目表，睇返大中小點究竟幾多錢。點心即叫即蒸，要等十五至二十分鐘，所以唸清楚有咩想食，如果唔係再加單，又要再等。功夫蝦餃皇$18👍🏻👍🏻👍🏻1/2 平時嘅蝦餃個皮係半透明，晶瑩剔透。呢度個皮唔夠薄滑比較厚，同埋入邊啲蝦切碎晒，相對無咁彈牙爽口。麻麻地。蟹籽香菇燒賣皇 $18👍🏻👍🏻👍🏻1/2 一般般黑椒金錢肚$28👍🏻👍🏻👍🏻👍🏻👍🏻好濃又入味，整得夠諗。不過份量較少，得5舊唔係好夠喉。翡翠叉燒腸$27👍🏻👍🏻👍🏻👍🏻可以鮮蝦腐皮卷$25👍🏻👍🏻👍🏻👍🏻👍🏻呢個係大爺至愛，煎得夠脆，加埋喼汁開胃可口。鳳凰煎糯米雞$26 👍🏻👍🏻👍🏻👍🏻呢個比較特別，將糯米雞兩邊沾啲蛋攞去煎，都好食，幾得意。鹽燒酥炸魷魚鬚$34 👎🏻👎🏻👎🏻炸到過晒龍，啲魷魚好幼身，炸粉好厚，賣相同味道都唔得。呢度都要計茶錢，每位$7，