籽樂廚房 (已結業)

佢嘅晚餐係無a la carte，得set menu 俾人揀。所以如果想share嘅人就唯有叫唔同嘅course share。但選擇都算多而且每個course都有配蒜蓉包同餐湯仲有沙律。當然你都可以加配佢嘅小食，個日叫左雞翼。好似係蜜糖雞翼但係蜜糖味唔夠重但都唔差至少雞翼夠大隻同埋個皮都焗得幾脆。當晚叫咗三個主菜雞扒意粉啲雞真係好大塊但係味道唔夠勁，反而黑松露飯雖然望落去比較簡單但係黑松露味都幾出同整體都creamy。最奇怪係個鹹蛋黃Pizza，首先佢個Pizza係好似麵包質地，係冇Pizza嗰種餅皮嘅韌度同埋鹹蛋黃味幾乎係唔知係邊。佢味道五算難食但係我覺得好搞笑，我叫個Pizza但係佢送到黎係另一樣野，顛覆咗我對Pizza嘅印象。首先講到明呢間餐廳有折都係好貴，至於值唔值得我可以話如果佢唔係良心餐廳應該唔會幫襯，但服務係好。