幸福堂 (已結業)

好耐無行過旺角女人街，通常都係响旁邊匆匆而過，呢日都唔例外，穿過女人街到登打士街搭車，在路口見有好多人在小店外，原來交界位係幸福堂。早前响銅鑼灣飲過覺得好飲，天氣又悶又熱，係要幸福一吓嘅。等緊嘅時候睇吓點整，第一次見手作珍珠機，珍珠原來是這樣煉成的。由製作珍珠開始，到用黑糖烹煮都睇得見。仲可以睇到用咩鮮奶，點樣整一杯黑糖珍珠鮮奶，製作全程透明可見，對佢嘅衛生絕對有信心。終於輪到我哋杯嘢出場嘞，仙氣山水畫係男人嘅，我嘅叫女神。仙氣山水畫 -黑糖珍珠仙草鮮奶$38仙草同鮮奶又真係幾似山水畫，呢個好好飲呀！仙草軟滑微甘，鮮奶夠香，配埋黑糖珍珠甜度啱啱好，好鍾意呢種味道，男人都讚好飲。鑽石杯系列女神 - 台灣蜂巢蜜檸檬$38茶底係綠茶+茉莉花茶，好香，加上幾片青檸好清爽啊！蜂巢蜜香甜，飲到有微量嘅蜂蠟巢，健康又解渴，正呀！唔使次次都黑糖珍珠奶，呢兩款記咗响我嘅飲品名單上嘞。