影片
更多
2008-11-07
18 瀏覽
愛人鐘意食日本野, 禽日佢生日, 咁大件事就梗係要食日本野啦,平時去開松屋 ge, 但由於諗住去黃埔行街街, 所以就去左竹屋度食,一個禮拜之前已經 卜 定位, 一家人齊齊去擦餐飽, 可能卜果時已經同左佢地講, 係為左慶祝生日,所以經理好好人咁安排咗我地坐房, 七點鐘去到, 樓面已經坐滿七成, 我地坐左入房都唔會話少左 service,竹屋同松屋, 食物款式都係差不多, 幾乎一樣,唯一係無左我地 ge 至愛, 炸大腸, 原因不詳,而最大 ge 分別就係飲品嘞, 係竹屋, 飲 beer 同清酒都係唔需要另外加錢, 清酒我就無飲嘞, 只係飲左 beer, 成個罐都係日文, 好似係寫住 "一番" 咁上下,愛人話成個罐都係日文, 似係日本原裝入口喎, (起碼唔係 ice beer 呢 d 普通 beer 囉)我地一坐低, 準備寫野食, 經理即刻好識做咁同我地講, 同你整個刺身拼盤好唔好, 樣樣有 d............哇, 梗係好啦, 切刺身都要時間嘛, 咁佢地切得黎, 我地都揀好其他食物, 咁咪可以唔洗點等囉, 說時遲, 那時快, d 刺身斬下眼就到!!我家姑爺仔仲話, 哇, 好精美喎.
平時去開松屋 ge, 但由於諗住去黃埔行街街, 所以就去左竹屋度食,
一個禮拜之前已經 卜 定位, 一家人齊齊去擦餐飽,
可能卜果時已經同左佢地講, 係為左慶祝生日,
所以經理好好人咁安排咗我地坐房,
七點鐘去到, 樓面已經坐滿七成, 我地坐左入房都唔會話少左 service,
竹屋同松屋, 食物款式都係差不多, 幾乎一樣,
唯一係無左我地 ge 至愛, 炸大腸, 原因不詳,
而最大 ge 分別就係飲品嘞,
係竹屋, 飲 beer 同清酒都係唔需要另外加錢,
清酒我就無飲嘞, 只係飲左 beer, 成個罐都係日文, 好似係寫住 "一番" 咁上下,
愛人話成個罐都係日文, 似係日本原裝入口喎, (起碼唔係 ice beer 呢 d 普通 beer 囉)
我地一坐低, 準備寫野食, 經理即刻好識做咁同我地講,
同你整個刺身拼盤好唔好, 樣樣有 d............
哇, 梗係好啦, 切刺身都要時間嘛, 咁佢地切得黎, 我地都揀好其他食物, 咁咪可以唔洗點等囉, 說時遲, 那時快, d 刺身斬下眼就到!!
我家姑爺仔仲話, 哇, 好精美喎.................
我家姑爺仔同姑仔係一個對食要求極高 ge 人, 唔貴唔食, 唔好 service 唔食,
佢地都係第一次幫襯竹屋, 難得第一次幫襯, 佢地居然讚竹屋喎, 證明竹屋真係掂啦,
未出發之前, 幾驚佢兩個唔肯去, 或者去到唔食野, 因為以竹屋 ge 價錢, 係佢地兩個眼中,
係完全睇唔上眼, 因為佢地成日都覺得平野無好, 但好彩, 兩位 "醃尖" 大少都食唔停口, 咁想唔繼續推介竹屋都唔得啦!!
講下 d 刺身, 我地黎竹屋食野, 目的都係為左佢姐, 依然都係好新鮮, 無渣, 同食落無 d 有水 ge 感覺, 以前曾經去過其他鋪頭食過, 一咬落去, 有水嫁, 愛人話, 應該係解左凍之后, 再雪返入雪櫃, 再拎返出黎解凍比 d 客食, 就會有咁 ge 情況, 但黎到竹屋, 絕對無呢 d 情況!!
至於刺身 ge 款式, 雖然係大路野, 但其實同五星級大酒店 ge 款式都係一模一樣, 大酒店食一餐, 起碼二百幾三百蚊先落到樓, 但黎到竹屋, 百拎蚊就可以食到一樣 ge 款式, haha, 你話我仲會唔會再花幾百蚊去大酒店食日本野, 梗係唔會啦!!
我最鐘意食甜蝦, 但唔明點解佢地一定要叫甜蝦壽司, 而唔可以就咁叫刺身, 攪到一定要食埋佢舊飯, 如果甜蝦都可以就咁柯打刺身咁就 very good 啦!! (我都係唔想哂左佢地舊飯咋)
咁之前都同佢地講左, 話我地係黎慶祝生日, 所以經理特登為我地準備左一個 壽司蛋糕, 雖然只係一大舊飯, 面頭有一舊類似花之戀 ge 刺身, 再酒 d 魚子係面, 但我地就覺得誠意搭夠囉, 話哂都叫做生日, 有支立足吹下, 呢一點, 唔係間間餐廳都會做囉, 由其係一間日式餐館, 莫講啦, 就連我去一間美式餐廳慶生, 古古力糖仔都無粒啦, 所以呢一點我覺得係抵讚 ge!!
臨寫食評之前, 見到樓下位食客, 話個羊扒唔好食....................吾, 我諗係各人口味唔同啩, 因為禽晚我地有三個人都有食, 我地無人覺得好 so, 姑爺仔仲話不俗添, 而我就話覺得個汁好似咸左 d, 跟住姑爺仔話, 其實唔關個汁事, 只係佢地臨上枱前, 好似係表頭洒左少少野, 所以先令到佢咸左, 但我地繼續食 ge 時候, 入面真係唔咸, 仲好好味添!!
至於 service, 更係 good 啦, 我地坐左入房喎, 佢地都無唔記得我地, 仲久唔久行入黎問我地 d 食物黎齊未, 有無漏, 唔單止經理會咁做, 連 d 普通伙記都會咁問, 仲要係笑到四萬咁口, 果個四眼哥哥仔見我地食完一次雪糕, 再叫多一次雪糕, 第三次行入黎, 仲問我地 d 雪糕夠唔夠, 要唔要再叫, 完全無覺得我地好似會食哂佢地 d 野咁, 仲要最好就叫埋第三次添,
仲要每次送菜上枱 ge 時候, 都會講一聲多謝哂, 慢慢食, 百拎蚊就有 d 咁好 ge service,
仲可以係邊度搵到啦!!
張貼