媽咪雞蛋仔 (已結業)

媽咪雞蛋仔由紅磡未有分店嘅時候食到而家，最深刻印象係門面有大大個吹氣雞蛋仔，數數手指都食咗好幾年，口味都越出越多，分店亦遍布全港九新界。平時鍾意食朱古力雞蛋仔，勝在唔吝嗇啲料夠多，同埋亂闖一間分店都仍能保持水準。今日就試吓雙重芝士同香蕉朱古力味。雙重芝士雞蛋仔 $30一如以往地足料粒粒都充滿芝士，能聞到陣陣嘅芝士香氣，雞蛋仔邊超脆而雞蛋仔本身又做到外脆內軟剛剛好。一餅份量都幾多加杯珍珠奶茶真係可以當晚餐。香蕉朱古力雞蛋仔 $30香蕉朱古力係真材實料，可惜香蕉太濕導致成餅雞蛋仔焾哂。成咗幾粒已經想停手，都係食返朱古力雞蛋仔就算。