安利魚蛋粉 (已結業)

作為一個鍾意食嘅人，竟然話未試過「九記」嘅清湯腩，說來真有點唔好意思。好彩我都不賴，是日可以同阿K去試另一間好出名嘅麵店。呢間位於筲箕灣嘅「安利魚蛋粉」，最馳名嘅就係「腩撈粗」同埋「絲襪奶茶」。呢一日下晝去到，真係好誇張，要大陣象到排隊等位，此店果然非凡品。相反，隔離間同名嘅茶餐廳生意就幾慘淡喇。題外話，呢兩間舖頭本來屬同一班合伙人，又係那些利益不均嘅問題而拆夥。講番啲嘢食，我嗌咗「腩撈粗」，阿K就叫咗一個「片頭撈粗」同埋一杯「絲襪奶茶」。呢度嘅撈麵好彈牙，麵條係唔可以輕易用牙咬斷，仲要用少少陰力用埋條脷「咪斷」。牛腩幾入味，炆得又腍，可惜爽腩已經賣晒，如果唔係應該會更加好食；至於「片頭」帶有好新鮮嘅魚蛋味，呢種感覺係一種遺忘已久，好細個嘅時候嚐到嘅那種味道，而且質地爽滑彈牙，是上佳嘅食品。靚奶茶嘅關鍵–茶膽，他們亦掌握得很好，我也評之為上品。當我地食完之後，不約而同望向同一個方向。隔離那對情侶正分享緊一份蛋治烘底，光睇外表已經係香噴噴，下次嚟一定要試吓。價錢十分公道，兩碗撈粗都係大約四十零蚊。講開又講，雖然係同門，但係隔離間「安利茶餐廳」啲撈粗簡直係天壤之別，有好大陣梘水味，所以要認