丼丼亭 (已結業)

唔知點解朋右選擇呢間食? 又冇得訂位, 去到又要企門日等位, 仲要果晚佢抱住個瞓着咗的4歲小朋友等位, 都依然唔會比張櫈佢坐, 果然係一視同仁~ 未嚟過呢度食, 唔知有乜好食, 唯有試下佢d天婦羅, 因為唔係間間都整得好食~ 天盛野菜湯烏冬定食成個定食有1碗湯烏冬、2小碟前菜、1小碗沙律、2只蝦、1條魚、1件南瓜, 看似非常豐富, 以為食到好飽, 其實只係剛好~- 湯烏冬個湯好清好淡, 而個烏冬就唔夠彈牙, 不過有d海帶同菇, 叫做有d蔬菜食下都唔錯~- 沙律得一啖咁大把, 好彩d菜都叫做新鮮~- 前菜就麻麻地, 可能唔啱我食~- 天婦羅反而唔錯, d炸漿夠脆, 最緊要係唔油~ 壽司蟹籽帆立貝壽司-> 好似同帆立貝比較差2蚊, 多2蚊有埋蟹籽, 好似抵d咁~  不過佢d帆立貝麻麻地, 又細粒, 又唔夠凍, 好似室溫放咗一陣時間咁~蟹柳壽司 -> 超假蟹柳, 見到已經唔想食, 朋友食完話凍肉舖果d假蟹柳都冇咁難食~甜蝦壽司 -> 人地多數都係有3只, 但佢得2只, 又唔係大只過人, 好似好唔抵食, 又係唔夠凍, 感覺上唔太新鮮~