春天 (已結業)

這天早放工去睇醫生, 以為早 D 診所就無咁多人啦 ~ 點知等睇醫生都一樣要等個幾鐘!唉, 掛完號就去行下商場啦, 諗住坐低飲杯凍檸茶, 食少少野啦。 見到呢間小店幾靚喎, 就入去試下啦, 點知有少少伏。一心只係諗住坐一陣, 點左墨西哥芝士雞肉卷。餐廳地方不大, 是商場內的 open area, 下午茶無乜人, 不用搭枱, 都算舒適!檸檬茶算正常, 但沒有茶味。等左將近半個鐘, 墨西哥卷上枱了 ~ 可惜是又燶又硬的, 仲要刻意將較為無咁燶的向上 (忘了影相)! 我立即向女店員反映, 又乾又燶又硬 ~ 佢即時拎返入廚房, 出來後向說會重新做一份給我。又再等 15 分鐘, 新的一份墨西哥卷終於來了!可惜 .... 雖然外觀 ok, 但內有點不似預期。一點也沒有芝士味, 反而有幾條莞茜, 食落我以為食緊點心。味道有點似鮮竹卷呀! 商場內食店林立, 有咁多選擇, 短期內不會再來了。