博多拉麵別天神 (已結業)

呢排食飯都要望吓地圖，再決定食乜嘢好，喺旺角就可以食拉麵啦！好彩我早到唔使點排隊，睇吓有咩好食先，買咗飛就可以坐低等。別天神套餐豚骨拉麵，呢個拉麵係原味，豚骨濃湯，有兩塊大叉燒，叉燒都幾厚，食落夠腍。糖心蛋係有原整一隻㗎。拉麵夠爽口彈牙，係幼麵，口感唔錯，而且份量足，抵食！套餐可以跟餃子或者沙律，我揀咗餃子，餃子煎得好香，裏面嘅餡料好有肉汁，呢度上餐夠快，餃子夠熱，好味！望返轉頭，我食完走嘅時候條龍已經好長！