影片
更多
2013-08-03
19 瀏覽
今(3-8-2013 Sat)朝起身後,因有事落荃灣,就不如順便o係o度買o野返屋企做我o既早餐,亦都順做買一客生煎包畀爸爸食.我o黎到時都唔係好多人,亦都冇人等外賣,同埋都有已煎好o既包,而且個個職員都冇o野做,即係話我唔使等好耐就有啦.我就買兩客$23.00o既生煎包,同一杯$9.00o既凍玉米汁.呢頭畀錢,o個頭就pack好晒,畀玉米汁o既妹妹仔好有禮貌咁問:’姐姐,使唔使膠袋?’我答要.(因為是日落雨,我揹住個袋,拎住把直遮,重有呢兩盒生煎包,冇袋唔得.)返到屋企打開睇,原來佢o地畀o左四對木筷子,醋同豆瓣醬各一,不過醋同豆瓣醬都唔係滿o既,影好相後食得.今次食到o既生煎包只係暖暖地,但底部仍脆,皮都好薄,好多湯汁,湯o既味道唔太鹹仍唔太肥膩.加啲醋同豆瓣醬就好味啲.而玉米汁呢,已經唔凍,而同上次食o既一樣,都係有清甜粟米味,都有少少粟米蓉.今次食生煎包學到食o既技巧:我食第一隻時,啲汁流晒出o黎,o徙晒.食第二隻,啲汁橫飛到地下添,重o徙.到第三隻,攞隻湯匙先得,但我發現對住我口o個邊硬啲,側邊軟啲,咁攪法,啲汁咪又再次橫飛到地下o徙晒?都係轉一轉,較軟向返我個口,而且都唔熱
我o黎到時都唔係好多人,亦都冇人等外賣,同埋都有已煎好o既包,而且個個職員都冇o野做,即係話我唔使等好耐就有啦.我就買兩客$23.00o既生煎包,同一杯$9.00o既凍玉米汁.
呢頭畀錢,o個頭就pack好晒,畀玉米汁o既妹妹仔好有禮貌咁問:’姐姐,使唔使膠袋?’我答要.(因為是日落雨,我揹住個袋,拎住把直遮,重有呢兩盒生煎包,冇袋唔得.)
返到屋企打開睇,原來佢o地畀o左四對木筷子,醋同豆瓣醬各一,不過醋同豆瓣醬都唔係滿o既,影好相後食得.
今次食到o既生煎包只係暖暖地,但底部仍脆,皮都好薄,
好多湯汁,湯o既味道唔太鹹仍唔太肥膩.加啲醋同豆瓣醬就好味啲.而玉米汁呢,已經唔凍,而同上次食o既一樣,都係有清甜粟米味,都有少少粟米蓉.
今次食生煎包學到食o既技巧:
我食第一隻時,啲汁流晒出o黎,o徙晒.食第二隻,啲汁橫飛到地下添,重o徙.
到第三隻,攞隻湯匙先得,但我發現對住我口o個邊硬啲,側邊軟啲,咁攪法,啲汁咪又再次橫飛到地下o徙晒?都係轉一轉,較軟向返我個口,而且都唔熱喇,我索性咬開後即刻啜啲汁,果然咁樣至唔o徙.
佢o地與其畀四對筷子,倒不如將兩對筷子換成兩隻膠匙.
而開頭以為佢o地畀o既醋同豆瓣醬好少,但原來每一個醋同豆瓣醬份量都足夠食四隻,不過,佢o地不如裝滿佢for買兩客o既客人,咁就用少啲膠啦.
第一次o黎o既食評: http://www.openrice.com/restaurant/commentdetail.htm?commentid=2298166&tc=sr2rvw&con=rvw
張貼
