酒鍋 (V Point) (已結業)

我既打邊爐隱又發作啦🤣🤣今晚去咗銅鑼灣既酒鍋。餐廳裝修中式加西式fusion 好特別，落地玻璃窗，望出去個景好靚👍🏻我哋叫咗個鴛鴦鍋，沙嗲同埋皮蛋芫荽湯底。個沙嗲湯勁香丶好濃沙嗲味，係我食咁多個沙嗲湯最好味😋。皮蛋芫荽湯底勁多皮蛋同芫荽，好足料👍🏻🐮頂級手切肥牛👉🏻肥牛d肉好滑好淋，好有牛肉味👍🏻🐮掛架頂級安格斯牛頸脊👉🏻佢嘅presentation好靚丶幾特別，因為佢係掛響度，牛肉下面放住好多冰😂。好有牛肉味，油脂分布好均勻，好好味，一啲都唔覺眼好肥🦑 手打墨魚丸👉🏻佢嘅手打墨魚丸入邊有啲蔥同馬蹄都幾有口感同幾好味😋🐟 潮州魚蛋👉🏻魚蛋都幾彈牙，唔錯，都係不過不失🥟 洋蔥豬肉蝦蛋餃👉🏻用咗蛋做皮，有d似我最愛嘅蛋角，好好味👍🏻👍🏻🦑墨汁腸👉🏻好有台灣既味道！好有墨魚味，好好味👍🏻🥢紫菜響鈴👉🏻好新鮮，好脆，入邊包住紫菜好好味，將個響鈴放入湯入邊幾秒拎上嚟依然仲係好脆，放入去沙嗲湯底勁入味，正！🐽黑毛豬肉👉🏻豬肉通常會比牛肉韌少少，但係呢個豬肉一d都唔會，好淋👍🏻👍🏻🐮和牛丸👉🏻一咬落去好juicy！！好有牛肉味，一d都唔會肥膩，食咗好多粒😂🥗蔬菜拼盤，啲蔬菜擺得好靚，個蘿蔔仲有心形添