BRICK LANE (圍方)

營業中

休息中

嚟到Bricklane，梗係要食啲好英式嘅食物啦！炸魚薯條一定走唔甩😍 呢度嘅炸魚薯條好大份，薯條份量非常澎湃，用咗幼身嘅薯條，夠鹹又香脆😬 炸魚嘅炸漿都幾薄，如果咸啲就更加好味。之後叫咗炸雞翼配燒烤醬，又係勁香脆，呢個雞翼都幾惹味，送啤酒一流👍👍然後仲食咗一份ribeye，我哋要咗medium，生熟程度控制得剛剛好！今晚最最最推介嘅係甜品：即焗巧克力棉花夾餅，呢個甜品即叫即焗，所以都等咗啲時間㗎！一上枱已經心心眼😻，燶咗嘅棉花好可愛，仲要外脆內軟，好香甜好好味！棉花糖下面係味道濃郁嘅朱古力醬，配棉花糖或者配餅乾都好好味，不過真係好肥呀😂😂😂我哋仲飲埋佢杯招牌熱朱古力…飲品方面，除咗啤酒同紅白酒呢度仲有Cocktail，我杯Gin tonic加咗蝶豆花，打卡一流📸呢度環境舒服，下次約朋友聚餐可以再食。