長發海鮮酒家 (已結業)

今日放工前，成班同事一齊開會。開完會之後，其中有同事話附近酒樓book左樓食打邊爐。見佢地咁有心，一定要去啦。去到reception，搞左勁耐先有位，點知上到去，原來夜晚係無咩人。咁都難怪既，鰂魚涌既商業區，夜晚好少人，附近又無咩住宅。但唔知點解要等咁耐。終於有位坐，咁住開開心心食野，但由7點半落單，到8點15分都未有野食。得d調味料同野飲任飲。攞到成枱都係調味料都未黎野食。等左好耐終於黎到，但野食唔太吸引，好一般，款式唔太多，沙嗲湯底好淡。唯一加分既係比較平。