康蘭餅店

營業中

休息中

以前入長洲一定會搵芒果糯米糍同埋魚蛋😂 但係現加係市區太易揾到代替品，所以都無再特登走入嚟食😂 行下行下見到一堆人圍住呢間麵包舖，見到好多一個個好細嘅蛋撻仔覺得好得意，但由於未肚餓😂 所以諗住一陣返轉頭先買🤭 原來會好快賣哂🥲 講緊我係平日晏晝去‼️ 之後我決定等佢出爐‼️ 等咗五分鐘左右就有，不過先拎出嚟係椰撻，由於佢新鮮出爐嘅關係，所以先決定兩款都要🤭 喜出望外嘅係椰撻‼️仲好食過蛋撻🤤 絕對係外脆內軟，仲好香椰味🤭 反而蛋撻食落去無乜特別，但都ok嘅，細細嗰易入口，唔使食到咁論盡😂$10/4個，絕對值得你過下口癮🤭 我會列佢入長洲必食，勝在夠平，又細嚿😂 唔驚食咗佢食唔到其他嘢🤓