瀛喜日本料理 (已結業)

過咗端午節，黎緊又唔知要等幾多日先有假期，又係時候同朋友食食放題，Relax 下。😂今次就去咗荃灣嘅瀛喜😆！ 一入到餐廳，緊係睇睇個飲品櫃啦😂！ 估唔到選擇都幾多下😯！ 仲有，原來甜品都係任拎！有雪米糍同埋我最鐘意嘅牛奶樂！❤️呢間放題，都有幾多野食。先黎嘅係大大盆刺身，賣相都好靚！又真係叫幾多，到幾多，唔會食單！👍🏻 刺身食落好新鮮，唔錯！ 特別一讚嘅係個海膽！😯估唔到份量都幾多，同埋一啲都唔腥，可以大啖大啖咁食，正呀！ 🤣 壽司亦都無令我失望， 同樣咁新鮮，咁鮮味！ 另外，燒物方面，嗰個芝士焗蠔，真係無得頂！😯 芝士絕無偷工減料，食落十分惹味，所以我地都叫咗幾輪呀！ 仲有個燒羊架， 真係大大份，又燒得岩岩好，唔會好羶同埋好乾！ 👍🏻除此之外，我地仲叫咗個蟹粥，估唔到都幾大煲！ 入面仲有隻水蟹，個粥都好鮮甜！ 👍🏻仲有一樣比較特別嘅係瀛喜而家有磯燒，同班朋友，邊傾計，邊燒野食，真係快樂不知時日過，食完聽日又要去番工啦😩！ 不過下次，番工番到要放題放放鬆，又多一間選擇啦！ 😏