影片
更多
2017-05-25
6639 瀏覽
我從未見過有鋪頭咁勁抽，訂左位都要預先排隊，仲要排到去街尾。好彩準時可以入到座，好得意，一入去完全係中式婚宴酒樓既佈置同日本放題真係「風馬牛不相及」！不過，咁好似令成個格調提升左。好鐘意一入門口堆啤啤熊，so cute><!先講飲品處，真係凍酒熱酒咩都有，我簡左杯白酒飲！一飲，嘩原來甜既，不過d酒精都幾勁，好快上腦，甜甜地好易醉。其餘都有好多日本、韓國果汁，飲到停唔到口。沙律bar都有好多選擇，其中最欣賞一定係個類似印度薄餅既小煎餅，中間有d甜甜地類似豆蓉既餡，幾另類呀唔錯。其他涼菜都唔錯，尤其我好鐘意新鮮西芹同番茄仔，可以點唔同醬黎食，大食一輪之前先清清腸胃。餐單上除左一般刺身同煮物等等之外，都有唔少破格食物，其中個芝士玉子燒真係好味到炸開，係必食item!先先個蛋好嫩口，咁厚都唔會燒到無曬水份。個芝士先係重點，咸香度適中、更加吊起左蛋既甜味。鋪頭真係唔會同你客氣，蛋加芝士、比例幾乎係「一比一」！排隊去攞既手卷更加不用多說，有海膽同三文魚腩簡。一人可以攞兩件之餘，條隊都旭得好快，效率相當高。海膽一睇就知色水好，而且無散開一舊舊，證明一定唔係劣質貨。回本之選，記住早點出
好得意，一入去完全係中式婚宴酒樓既佈置同日本放題真係「風馬牛不相及」！不過，咁好似令成個格調提升左。好鐘意一入門口堆啤啤熊，so cute><!
先講飲品處，真係凍酒熱酒咩都有，我簡左杯白酒飲！一飲，嘩原來甜既，不過d酒精都幾勁，好快上腦，甜甜地好易醉。其餘都有好多日本、韓國果汁，飲到停唔到口。
沙律bar都有好多選擇，其中最欣賞一定係個類似印度薄餅既小煎餅，中間有d甜甜地類似豆蓉既餡，幾另類呀唔錯。其他涼菜都唔錯，尤其我好鐘意新鮮西芹同番茄仔，可以點唔同醬黎食，大食一輪之前先清清腸胃。
餐單上除左一般刺身同煮物等等之外，都有唔少破格食物，其中個芝士玉子燒真係好味到炸開，係必食item!先先個蛋好嫩口，咁厚都唔會燒到無曬水份。個芝士先係重點，咸香度適中、更加吊起左蛋既甜味。鋪頭真係唔會同你客氣，蛋加芝士、比例幾乎係「一比一」！
排隊去攞既手卷更加不用多說，有海膽同三文魚腩簡。一人可以攞兩件之餘，條隊都旭得好快，效率相當高。海膽一睇就知色水好，而且無散開一舊舊，證明一定唔係劣質貨。回本之選，記住早點出去排呀！
但就唔係所有創意小食都咁成功，好似燕窩炒蛋白就好一般：事關我唔見有燕窩影踪，另外強白好似無咩調味咁，好淡口呀…
仲有個牛肉煲都一樣麻麻地，我爸爸話個煲雖然份量好足夠同味道都好鮮甜，但d牛肉就好難咬開，結果食左一兩塊就成個放棄了。除此之外，都有少量漏單情況。好似隻虎蝦﹝灰灰地，泰式料理成日用果種，不是甜蝦﹞就叫幾次都未黎，最後只黎了一次。
黎到甜品部分，雪糕就最正啦，有貴價m字頭、又有h字頭。但我簡左牛奶雪條同沖繩海鹽雪糕食。牛奶雪條好足牛奶味，牛奶fans一定要食返幾條。但沖繩海鹽雪糕就麻麻地，無岩鹽焦糖咁match可以帶出焦糖既香甜，只係一個甜甜地既雪糕入面有少少咸，而我覺得d咸味係不必要既。
平時馬卡龍真係好貴，成二十幾蚊個，喺呢度可以食返夠本啦。呢度既馬卡龍雖然每個色既味差唔多，但係同樣可以做到「外面脆、裡面煙un」。
另一樣要讚既係殿 大喜屋既係、佢地好關心客人感受，會送生日禮物俾d客，而早在訂位時已經會問定先。佢地送既朱古力蛋又係幾過癮-金金地似少林寺18銅人，打碎之後仲有一件柴色小蛋糕在內，玩到我同呀媽勁開心。而且店舖仲會用朱古力擠”happy birthday”在碟上，影相一流。既然都係，不如索性擠埋生日位客人名落confirm booking既朋友個碟上，到時一定仲開心快活。😉😉!
燕窩炒蛋白
49 瀏覽
0 讚好
0 留言
芝士玉子燒
42 瀏覽
0 讚好
0 留言
張貼
