心粥館 (已結業)

唔使返工ㄧ個人周圍去逛街, 行到 tired 連晚飯都懶得煮, 買個外賣便算, 本來想食粥, 但今日都幾熱, 見到餐牌上個菜遠班腩河幾正, 於是就買返屋企食, 落單後等左 15 分鐘先 ready, 都算耐左少少。返到屋企打開盒外賣, 都幾大盒, 班腩都多嘅, 加多幾條都算青綠嘅白菜仔, 睇起上來都唔錯, 食落就感到多油, 但勝在唔鹹, 飲品要了熱銀菊蜜, 都濃嘅, 有蜜糖嘅甜味。如果個廚師肯為 d 食客着想, 煮食物時少油少鹽少糖就更加好, 我相信會吸引更多客人光顧的。